യുവാവായ ഗോപിനാഥമേനോന് മനുഷ്യത്വരഹിതവും പൈശാചികവുമായ സംഭവങ്ങള്ക്ക് സാക്ഷ്യം വഹിക്കേണ്ടി വരുന്നു. അയാള് ആത്മഹത്യ ചെയ്തതിനെ തുടര്ന്ന് രേണുക, ഗോപിനാഥ മേനോന്റെ ജീവിതത്തെ ഇഴകീറി പരിശോധിക്കാന് ആരംഭിക്കുന്നു. അയാളുടെ ജീവിതത്തിലൂടെ കടന്നുപോയവരിലൂടെ ഗോപിനാഥമേനോന്റെ ജീവിത ശകലങ്ങള് വെളിവാക്കപ്പെടുന്നു. ഏതൊരാളെയും ജീവിക്കുന്നതില് നാണക്കേട് തോന്നിപ്പിക്കുന്ന തരത്തില് അസഹിഷ്ണുതയും വെറുപ്പും നില നില്ക്കുന്ന സമകാലീന ഇന്ത്യയിലൂടെ നടത്തുന്ന യാത്രയാണ് ഈ ചിത്രം.
2004 - ലെ മികച്ച രണ്ടാമത്തെ ചിത്രത്തിനും, മികച്ച തിരക്കഥക്കുമുള്ള സംസ്ഥാന പുരസ്കാരത്തിന് ഈ ചിത്രം അര്ഹമായി.
ടി.വി.ചന്ദ്രന് രചനയും സംവിധാനവും നിര്വഹിച്ചിരിക്കുന്നു. നിര്മാണം ദിലീപ്,അനൂപ്. ഛായാഗ്രഹണം കെ.ജി.ജയന്., എഡിറ്റിംഗ് വേണുഗോപാല് , സംഗീതം എം.ജയചന്ദ്രന്,ഐസക് തോമസ് കൊട്ടുകപള്ളി .
ദിലീപ്, പാണ്ട്യരാജ്, അശോക് വിശ്വനാഥന്,ജയ റാവു,ജ്യോതിര്മയി തുടങ്ങിയവരാണ് അഭിനേതാക്കള്.
സാധാരണ ഒരു സിനിമാ സി ഡിയിൽ ഫില്ലർ ഗാനങ്ങൾ ചേർക്കുന്നത് മാറ്റെതെങ്കിലും സിനിമകളിലെയോ സിനിമേതര ആൽബത്തിലെയോ ഗാനങ്ങൾ കൊണ്ടാവും . എന്നാൽ ഈ ചിത്രത്തിലെ പല ഫില്ലർ ഗാനങ്ങളും ഈ ചിത്രത്തിന് വേണ്ടിയാണ് ഒരുക്കിയത് എന്നാണ് ഞങ്ങളക്ക് കിട്ടിയ വിവരം.
ശ്രീ ജി വേണുഗോപാലിന്റെ ഒരു ഫേസ്ബുക് പോസ്റ്റിന്റെ പകർപ്പ് താഴെ നൽകുന്നു.