Last Modified: January 05 2016 06:37:16.
 

ദേവീ ശരണം ദേവീ ശരണം
മണിത്തിങ്കൾ കല വിളങ്ങും തിരുമുടി കൈതൊഴുന്നേൻ
ദേവീ ശരണം
മേഘമാലകൾ അടി വണങ്ങും രൂപകാന്തി തൊഴുന്നേൻ
ദേവീ ശരണം
ത്രേതാഗ്നി ജ്വാല പടരും നെറ്റിക്കൺ തൊഴുന്നേൻ
ദേവീ ശരണം
അഖില ജഗദദധിരൂപിണി നിൻ കടക്കണ്ണുകൾ തൊഴുന്നേൻ
ദേവീ ശരണം



തിലസുമങ്ങൾ വണങ്ങും നിൻ തിരു നാസിക തൊഴുന്നേൻ
ദേവീ ശരണം
സത്വഗുണലയ ഭംഗിയൊഴുകും മന്ദഹാസം തൊഴുന്നേൻ
ദേവീ ശരണം
രദനവും കവിളിണയും അരുണം ദംഷ്ട്രവും കുനുചില്ലിയും
പാടാലധരവും ഹുംകൃതി നാദഭൈരവിയും
ചന്ദനഗിരിയുടുക്കും
പോർമുലത്തടഭംഗിയും കൈ തൊഴുന്നേൻ
ദേവീ ശരണം
(മണിത്തിങ്കൾ...)


ശിരോമാലയും അനംഗൻ തൊഴുമുദരവും കൈതൊഴുന്നേൻ
ദേവീ ശരണം
ശൂലമുടവാൾ തൃക്കപാലം പരിചയും കൈ തൊഴുന്നേൻ
ദേവീ ശരണം
കടകവും തോൾ വളകളും പൊൻ ചിലമ്പുകളും തൊഴുന്നേൻ
കണങ്കാലുകളും സുന്ദരനിതംബവും അഴകും
മംഗളപാദങ്ങൾക്കാകാര സരോജവും കൈ തൊഴുന്നേൻ
ദേവീ ശരണം
(മണിത്തിങ്കൾ...)