Last Modified: February 29 2012 14:40:00.

ഇനിയും വരാത്തൊരെന്‍ ദേവതയ്ക്കായ്
ഇവിടെ ഞാൻ കാതോർത്തു നിൽക്കയല്ലോ
ഇതിലേ വരാത്തൊരെൻ പെൺകൊടിയ്ക്കായ്
അനുദിനം നോയ്മ്പു ഞാൻ നോൽക്കയല്ലോ
അനുദിനം നോയ്മ്പു ഞാൻ നോൽക്കയല്ലോ

പുഷ്പോദയങ്ങൾക്ക് ഭംഗിയില്ല
പൂങ്കുയിൽ പാട്ടുകൾക്കീണമില്ല (2)
ഞാനുപാസിക്കും തിടമ്പിനല്ലാതെയീ
ഭൂമിയിലൊന്നിനും ചന്തമില്ല
ഭൂമിയിലൊന്നിനും ചന്തമില്ല
(ഇനിയും...)

നീ വെളിച്ചത്തെ കൊതിയ്ക്കുമെങ്കിൽ
സൂര്യനായ് നിൻ മുന്നിൽ ഞാൻ ഉദിക്കാം (2)
അന്ധകാരത്തെ നീ ആഗ്രഹിച്ചാൽ
വെൺ ചന്ദ്ര ലേഖയെ പൂഴ്ത്തി വെയ്ക്കാം
വെൺ ചന്ദ്ര ലേഖയെ പൂഴ്ത്തി വെയ്ക്കാം
(ഇനിയും...)