Last Modified: February 29 2012 14:26:40.

ഓമനേ നിൻ കവിൾകുങ്കുമം കണ്ടപ്പോൾ
സായം സന്ധ്യയ്ക്ക് മുഖം കറുത്തു
ഈറൻ മുടിക്കെട്ടിൻ നീലിമ കണ്ടപ്പോൾ
ഈ നല്ല രാവും വെളുത്തു
(ഓമനേ...)

ഇരുളാണെങ്കിലും നിൻ മുഖം കണ്ടാൽ
ഈ മണിയറയിൽ സൂര്യോദയം
പകലാണെങ്കിലും നീയൊന്നു ചിരിച്ചാൽ
എൻ കരളിരുളിൽ ചന്ദ്രോദയം
(ഓമനേ...)

ജീവിത യാത്രയിൽ നീ കൂടെ വന്നാൽ
ഋതുഭേദമെവിടെ പ്രാണസഖി
അല്ലെങ്കിൽ നീ തന്നെ ഋതുകന്യമാരുടെ
സമന്വയമല്ലേ ഹൃദയേശ്വരീ
(ഓമനേ...)