Last Modified: February 29 2012 14:40:56.

വയനാടൻ മേട്ടിൽ മലവാഴത്തോപ്പിന്നരികിൽ
മാനോടും വഴിയിൽ തിരുമാമലയോരച്ചെരുവിൽ
പൂത്താലിച്ചരടിൽ മോഹനസ്വപ്നമൊരുക്കി
പോരാം ഞാൻ കൂടെ നിൻ പൂമലയോരക്കുടിലിൽ
(വയനാടൻ മേട്ടിൽ..)

കളിയല്ലാ നാടൻ പെണ്ണേ കരിയിളകും കാനനമുണ്ട്
മലദൈവ കോമരമുണ്ട് ഭൂതത്താൻ പാറകളുണ്ട് (2)
കിളി പാടും പൂവനമില്ലേ പൂവിലവിൻ ചാരുതയില്ലേ
പൂഞ്ചോലക്കരയിലുറങ്ങാൻ നിന്മേനിച്ചൂടു തരില്ലേ
നിന്മേനിച്ചൂടു തരില്ലേ
ഹേ..ഹേ
(വയനാടൻ മേട്ടിൽ..)

പകലോനെ പാടിയുറക്കും വർഷകാലരാവു വിറയ്ക്കും
കർക്കിടകം വാവു പിറക്കും ആത്മാവുകളലറി വിളിക്കും (2)
നീയേകും രക്ഷാമന്ത്രം പൊൻതാലി ചരടിലിരിക്കേ
ദേവാ നീയരികിലിരുന്നാൽ ആ രാവും പകലായ് മാറും
ആ രാവും പകലായ് മാറും
ഉഹും...
(വയനാടൻ മേട്ടിൽ..)