Last Modified: February 29 2012 14:40:38.

കമലദളം മൂടും കൗമാരം
കാര്‍മേഘം കൂടണയും മിഴിയോരം (2)
തീരാദാഹം നൂറു താരദീപം
മൂകാവേശം സ്വപ്നനീലാകാശം
മദനനു വരം തരാന്‍ പ്രിയേ വരൂ നീ..
കളമൊഴി നീയാരോ? കവിതകളാരാരോ?
(കമലദളം...)

ഈ നിലാവിലെന്‍റെയിടയരാഗമായി വന്നു നീ
ഈ വസന്തരാവിനെത്ര ചുംബനങ്ങള്‍ നല്‍കി നീ
രാഗം താനം രാവിന്‍ താളം
മലരണിയുന്നു മാർകഴിക്കാടുകള്‍
മാലിനിയുടെ തീരവുമൊരു പൂമണിമഞ്ചം
(കമലദളം...)

വെണ്‍പിറാക്കള്‍ പൊന്‍കിനാക്കള്‍ തേരിറങ്ങും വീഥിയില്‍
മണ്‍‌ചിരാതിലെന്റെ ഹൃദയനാളമായി നിന്നു നീ
ഏതോ ഗാനം മൂളും യാമം
ഇനിയൊരു ജന്മം പൂവിടുമോര്‍മ്മയില്‍
ഈ നിശയുടെ പുളകവുമൊരു രാഗനികുഞ്ജം
(കമലദളം...)