Last Modified: February 29 2012 14:37:03.

നീലക്കൂവളപ്പൂവുകളോ
വാലിട്ടെഴുതിയ കണ്ണുകളോ
മന്മഥന്‍ കുലയ്ക്കും വില്ലുകളോ
മനസില്‍പ്പടരും വല്ലികളോ
കുനു ചില്ലികളോ
(നീലക്കൂവള)
‌
കരിവണ്ടുകളോ കുറുനിരയോ
കവിളില്‍ പൂത്തതു് ചെന്താമരയോ
മധുരസ്വപ്നമാം മലര്‍ക്കിളി നീന്തും (2)
മദനപ്പൊയ്കയോ നുണക്കുഴിയോ ഇതു്
മദനപ്പൊയ്കയോ നുണക്കുഴിയോ
(നീലക്കൂവള)

പകുതിതുറന്നനിന്‍ പവിഴച്ചിപ്പിയില്‍
പ്രണയപരാഗമോ പുഞ്ചിരിയോ
അധരത്തളിരോ ആതിരക്കുളിരോ
അമൃതോ മുത്തോ പൂന്തേനോ - ഇതില്‍
അമൃതോ മുത്തോ പൂന്തേനോ
(നീലക്കൂവള)