Last Modified: February 29 2012 15:09:27.


നാണയം കണ്ടാല്‍ നക്കിയെടുക്കും
നാണമില്ലാത്തോരിസഹാക്കേ
കേട്ടാല്‍ കുളിക്കണം നിങ്ങടെ തട്ടിപ്പും
നാട്ടില്‍ പാട്ടല്ലേ മൂരാച്ചി

ഓംകാരപ്പൊരുളാണേ സത്യം ഞങ്ങള്‍
ഓടിയൊളിക്കുമെന്നോര്‍ക്കണ്ടാ
പള്ളിപ്പടയുടെ മൂച്ചൊന്നും നോക്കണ്ട
പിള്ളേച്ചന്‍ തന്നെ നയിച്ചാട്ടെ


ഇസഹാക്കേ യൂദാസേ ഇക്കളിനിര്‍ത്തുക ബുദ്ദൂസേ
പാലത്തിനെന്തിനു കമ്പിസിമന്റ് ജീമൂതവാഹനനാണെങ്കില്‍
ഒന്നല്ലൊരായിരം പാലം കെട്ടും
ഓര്‍ത്തുവന്നില്ലെങ്കില്‍ ആരെയും തട്ടും

പടക്കുറുപ്പേ ജേതാവേ പഞ്ചായത്തിന്‍ നേതാവേ
പടയണിവന്നാലും ചെമ്പടവന്നാലും
പപ്പടം പോലെ പൊടിച്ചോളാം
മണ്ഡോദരിയുടെ മാനം കാക്കാന്‍
നേരിട്ടു വെട്ടിമരിച്ചോളാം

ഓരോ നാളും നമ്മുടെ ചുറ്റും
ഓരോപാലം പൊന്തിവരട്ടെ
പാലം കൊണ്ടേ നമ്മുടെ നാട്ടില്‍
കാലം വേഗം മാറിവരട്ടെ

പാഞ്ചാലിമോളൊരു മുത്താണെങ്കില്‍
പഞ്ചായത്തിന്റെ സ്വത്താണെങ്കില്‍
കെട്ടിക്കും ഞങ്ങള്‍ കെട്ടിക്കും
അതു തെറ്റിക്കാന്‍ വന്നോരെ പൊട്ടിക്കും

ആര്‍ഷസംസ്കാരസം‌പൂജ്യനാം സ്വാമി
ശീര്‍ഷാസനാനന്ദ സ്വാമി
അമ്പുകളെടുക്കു വമ്പുകളൊടുക്കു
അവതാരമായ് വന്നു ഞങ്ങളെ നയിക്കു

ഹരഹര ശംഭോ ശിവശിവശംഭോ
പാലം കാക്കുക ശിവശംഭോ
അക്കരെയിക്കരെ നില്‍ക്കും ഞങ്ങള്‍ -
ക്കൊക്കെയുമീയൊരു പാലം മാത്രം

ഹരഹര ശംഭോ........