Last Modified: December 31 2019 03:45:23.
വീട്ടിലിന്നലെ വടക്കുനിന്നാരോ
വിരുന്നു വന്നതു ഞാനറിഞ്ഞു
വിരിഞ്ഞു നില്‍ക്കും സ്വപ്നവുമായ് നീ
ഒരുങ്ങി നിന്നതും ഞാനറിഞ്ഞു
ഒരുങ്ങി നിന്നതും ഞാനറിഞ്ഞു (വീട്ടിലിന്നലെ)

പാതി ചാരിയ വാതിലിന്നരികില്‍
കാതോര്‍ത്തു നിന്നപ്പോളെന്തു തോന്നി
എന്തു തോന്നി...എന്തു തോന്നി?
ഒളികണ്ണാല്‍ നിന്റെ പുതുമണവാളനെ
ഒരുനോക്കു കണ്ടപ്പോളെന്തു തോന്നി
പോ പെണ്ണേ പോടി പെണ്ണേ
ചിലക്കാതേ (വീട്ടിലിന്നലെ)


കല്യാണദിവസമടുക്കുമ്പോള്‍ പെണ്ണിന്
കരളിനകത്തൊരു പെരുന്നാള്
കളിയാണ് -ചിരിയാണ് - പാട്ടാണ്
കളിയാണ് ചിരിയാണ് പാട്ടാണ്
കളിയാണ് ചിരിയാണ് പാട്ടാണ്
കവിളത്തു കുങ്കുമപ്പൂക്കളാണ്
കവിളത്തു കുങ്കുമപ്പൂക്കളാണ് (വീട്ടിലിന്നലെ)