Last Modified: February 29 2012 15:04:56.

കള്ളിൻകുടമൊരു പറുദീസ അതിൽ
മുങ്ങിപ്പൊങ്ങിവരുന്നൊരാശ
കറികൾ വെളമ്പടീ മറിയാമ്മേ നിൻ
എരിവു വെളമ്പെടീ സാറാമ്മേ..

ഇന്നു നമുക്ക് ചിരിക്കാം ഈ
കാടിനു ലഹരി കൊടുക്കാം
നാളെ കിഴക്കു വെളുത്താല്
കൂപ്പുകൾ പിന്നെയും വെട്ടാം
അച്ചാമ്മേ ശോശാമ്മേ ഈ
ചാക്കോയൊണ്ടടീ കൂടെ..

കുന്നും മലയുമറിഞ്ഞോട്ടേ
നമ്മുടെ ശക്തികൾ കണ്ടോട്ടേ
ആളൊണ്ടെങ്കിൽ വന്നോട്ടേ
നാടൻ ചുണകൾ കണ്ടോട്ടേ..

ഇന്നു നമുക്ക് രസിക്കാം
പരമാനന്ദത്തിൽ ലയിക്കാം
വീണ്ടുമെതിർക്കാൻ വന്നാല്
നമ്മളുമൊരു കൈ നോക്കും
തോമാച്ചാ കറിയാച്ചാ ഈ
ചാക്കോയൊണ്ടടാ കൂടെ..