Last Modified: February 29 2012 14:35:54.



കൊഞ്ചിക്കൊഞ്ചി പാടിവരും പൂങ്കുയിലേ
നെഞ്ചിന്നുള്ളില്‍ കൂടു വെച്ചതെന്തിനോ നീ?

കൂട്ടിനൊരു കളിത്തോഴന്‍ ഇണങ്ങിയാലൊ
വീണമീട്ടി ഇണക്കുയില്‍ രസിച്ചിരിക്കും

മാനസമലരില്‍ തേന്‍ പകരാന്‍
മാധവമാസം വന്നല്ലോ
മനമലിയുന്നൊരു മധുമയഗാനം
ചൊരിയൂ ചൊരിയൂ തോഴാ

തരിവളയിളകും കയ്യുകളാല്‍
താളമിടുന്നു പൂഞ്ചോല
കരിമിഴിയിണയില്‍ കവിതയുമായ്
വരുമോ വരുമോ തോഴീ?