Last Modified: September 22 2012 13:59:29.

ചന്ദനഗന്ധികൾ വിരിയും തീരം
ചാരുമുഖീ നിൻ വിഹാരരംഗം
അതിലെ കുളിരിൻ കുമ്പിളിൽ നിന്നും
ആയിരം ശലഭങ്ങൾ
ഒരായിരം ശലഭങ്ങൾ

അധരത്തളിരിതളിൽ അറിയാതൊഴുകി വരും
വിനോദ പുഞ്ചിരി ശലഭങ്ങൾ (2)
എന്റെ അന്തരംഗങ്ങൾ തൻ അന്തരാളങ്ങളിൽ
അല നെയ്തുയരും പുളകങ്ങൾ
പൂം പുളകങ്ങൾ
(ചന്ദന ഗന്ധികൾ)

നയനക്കുളിർ മഴയിൽ
നനയാതൊഴുകി വരും
കടാക്ഷ വീക്ഷണ ശലഭങ്ങൾ
എന്റെ ചിന്തയിൽ പടരുന്ന മുന്തിരിവള്ളിയിൽ
അടിമുടി ഉണരും മുകുളങ്ങൾ
തേൻ മുകുളങ്ങൾ......
(ചന്ദന ഗന്ധികൾ)
ആ...ആ...ഉം...ഉം....