Last Modified: February 29 2012 15:00:28.


നാദബ്രഹ്മമയീ മാനസ
നാളീകത്തെയുണർത്തുമനശ്വര
നാദബ്രഹ്മമയീ...
നാവിൽ നടമാടും നീ...
നാദബ്രഹ്മമയീ..

പ്രഭാ മരീചികൾ തന്ത്രികൾ ചാർത്തിയ
പ്രപഞ്ചമല്ലോ നിൻ വീണ - നിന്റെ മണിവീണ
തഴുകുമ്പോൾ നീ തഴുകുമ്പോഴതു
തളിർത്തു നിൽക്കുന്നു അതു
തളിർത്തു പൂക്കുന്നു
അതിലൊരു പൂമലരല്ലോ ഞാനൊരു
മധുകണമല്ലോ ഞാൻ.. (നാദ..)

അഗാധ നീലിമയല്ലോ
താരാ പഥങ്ങളല്ലോ
നിൻ ഗീതം നിന്റെ സംഗീതം
ഈ വിശാലതയിൽ ഈ അപാരതയിൽ
ഈ അനന്തതയിലാകവേ

പൂവിടും തരള താരകങ്ങളതിലെ
സ്വരങ്ങൾ സ്വരദീപ്തികൾ
നിന്റെ വല്ലകിയിലെത്ര പല്ലവികളെത്രയെത്ര ചരണങ്ങൾ
നിൻ പൊൻ കരാംഗുലികൾ തൊട്ടുണർത്തുമൊരു
ബിന്ദു ഞാനരിയ ബിന്ദു ഞാൻ..
നിന്റെ മാറിലിതു ചാർത്തിടാവു നിൻ ഹൃദന്തസുഗന്ധമണിവൂ ഞാൻ
ഹൃദന്തസുഗന്ധമണിവൂ ഞാൻ (നാദ)