Last Modified: February 29 2012 14:59:22.
അമൃതപ്രഭാതം വിരിഞ്ഞൂ
അമ്പലമണികള്‍ മുഴങ്ങീ
അംഗന തുളസി ഉണര്‍ന്നൂ
ആത്മസംഗമദീപം തെളിഞ്ഞൂ

മാനസനയനങ്ങളാല്‍ കണ്ടു ഞാനെന്‍
കണ്ണന്റെ മോഹന മരതകരൂപവും മഞ്ഞപ്പട്ടും
തിരുനെറ്റിയിലുള്ള കസ്തൂരിത്തിലകവും
അഴകാര്‍ന്ന കൂന്തല്‍കെട്ടും
പീലിയും കിരീടവും പരമദയാ-
ഭാവദീപ്തമാം നയനവും
പവിഴാധരങ്ങളില്‍ പുഞ്ചിരിപ്പൂന്തേനും
വിരിമാറിലണിഞ്ഞുള്ള കൌസ്തുഭരത്നം കണ്ടൂ
കരതാരിലാ വിശ്വവേണുവിന്‍ പ്രഭ കണ്ടൂ
ഉദയത്തുടിപ്പിലെന്‍ നാഥന്റെ രൂപം കണ്ടൂ