Last Modified: November 22 2013 13:22:34.
 
മൂളിവരുന്ന മുളംകാറ്റില്‍
ഒരു കുമ്പിള്‍ മലരുണ്ടോ
മലരതിന്റെ ഇടനെഞ്ചില്‍
നിറയും നിനവില്ലയോ
ആ നിനവിന്‍‌ നിറമില്ലയോ
(മൂളിവരുന്ന )

മെല്ലെ നീങ്ങി മായുകയായ്
നീലമേഘത്തിരശ്ശീല
ചായമിട്ടൊരുങ്ങി നിന്നു
ദൂരെയേതു താരകം
(മെല്ലെ )
കളിയരങ്ങുണരും നേരം
നാട്ടുപച്ചക്കിളിമകളേ
ഇതിലെ വരുമോ കുറുമൊഴിയേ..
(മൂളിവരുന്ന )

വേഷമൊന്നഴിച്ചുവച്ച്
രാത്രിയിന്നു മയക്കമായ്
ഉറങ്ങാതെ പാടുന്നപ്പോഴു -
മെന്നിലേതു രാക്കിളി
(വേഷ )
പുലരിയകലെ വിരിയുന്നേരം
പുതുവര്‍ണ്ണച്ചിറകേറി
ഇനിയും വരുമോ വാസന്തം
(മൂളിവരുന്ന )