Last Modified: March 06 2015 11:06:23.

ഓർമ്മകൾക്കൊപ്പം ഇളവേൽക്കുവാനായ്
ബാല്യത്തിനോമൽക്കാലം വിളിപ്പൂ
പൂനീട്ടി നില്പൂ പുൽമേടകൾ പൊൻ-
കതിർചൂടി നില്പൂ വയലേലകൾ...
പാടാൻ ഓലവാലൻകിളിയുടെ
പൂന്തേൻ വായ്ത്താരികൾ.....
എങ്ങും നിറച്ചാർ‌ത്തെന്തെന്തുഘോഷം...
ഓർമ്മകളെല്ലാം ഓർമ്മകൾ മാത്രം...
ഓർമ്മകൾക്കൊപ്പം ഇളവേൽക്കുവാനായ്
ബാല്യത്തിനോമൽക്കാലം വിളിപ്പൂ...

പൂവാകക്കൊമ്പിൽ ഒരു കൈപ്പാടകലെ
ഒളിചിരിയുമായ്‌ നിൽക്കും കുളിരമ്പിളിക്കായ്
കൈനീട്ടി നോക്കാൻ വെമ്പുന്നു ഹൃദയം
എത്രമേൽ ധന്യം ആ നല്ലകാലം...
ഓർമ്മകൾക്കൊപ്പം ഇളവേൽക്കുവാനായ്
ബാല്യത്തിനോമൽക്കാലം വിളിപ്പൂ...

കൈകോർത്തു നമ്മൾ കളിചിരിയുടെ തേരിൽ
പ്രിയതരമാം തീരങ്ങൾ തേടുന്നു വീണ്ടും...
കരൾ‌ചേർത്തു കളിവീടു തീർത്തും രസിച്ചൊരാ
നൈർമ്മല്യമേറും ബാല്യം വിളിപ്പൂ...
ഒഴുകുന്നു കാലം ഒരുമിച്ചു നമ്മൾ
ഒരുവേള ചേർന്നും വീണ്ടും പിരിഞ്ഞും...