പണ്ടേ പറഞ്ഞു ഞാന്‍ പൊന്നേ [കുടുംബാസൂത്രണം] (ആറ്റം ബോംബ്‌)
This page was generated on March 28, 2024, 5:24 pm UTC
വിശദവിവരങ്ങള്‍
വര്‍ഷം 1964
സംഗീതംബ്രദര്‍ ലക്ഷ്മണന്‍
ഗാനരചനതിരുനയിനാർകുറിച്ചി മാധവൻ നായർ
ഗായകര്‍കെ ജെ യേശുദാസ് ,എല്‍ ആര്‍ ഈശ്വരി
രാഗംലഭ്യമല്ല
അഭിനേതാക്കള്‍അടൂര്‍ ഭാസി ,കവിയൂർ പൊന്നമ്മ
ഗാനത്തിന്റെ വരികള്‍
Last Modified: February 29 2012 14:49:48.
 
(പു) വണ്‍ റ്റൂ ത്രീ ഫോര്‍ ഫൈവ് സിക്സ് അയ്യയ്യോ
പിന്നെയും കിടക്കുന്നല്ലോ പത്തുപന്ത്രണ്ട്

(പു) പണ്ടേ പറഞ്ഞു ഞാന്‍ പൊന്നേ നീ
ഇത്ര പണ്ടാരങ്ങളെ പെറ്റു കൂട്ടരുതെന്നു്
(സ്ത്രീ) കണ്ടമാനം നടന്നിട്ടു് കഞ്ഞിക്കു ഗതിയറ്റു്
എണ്ടും മുണ്ടും ചൊല്ലി വരാന്‍ നാണമില്ലേ
അയ്യയ്യേ നാണമില്ലേ
((പു) പണ്ടേ പറഞ്ഞു )
((സ്ത്രീ) കണ്ടമാനം )

(പു) നാണിക്കുന്നതെന്തിനെടി ഞാന്‍ ചെയ്ത കുറ്റമോ
(സ്ത്രീ) ഞാന്‍ ചെയ്ത കുറ്റമോ
(പു) ആരു ചെയ്ത കുറ്റം (സ്ത്രീ) ദൈവം ചെയ്ത കുറ്റം
(പു)ആരു ചെയ്ത കുറ്റം...(സ്ത്രീ)ആ‍ ദൈവം ചെയ്ത കുറ്റം
((പു) പണ്ടേ പറഞ്ഞു )
((സ്ത്രീ) കണ്ടമാനം )

(പു) മോങ്ങരുതേ മങ്കികളേ മാക്രികളേ ഡാങ്കികളേ (2)
മോണ്‍സ്സിയര്‍ക്കു കലിവന്നാല്‍ ജീവനെടുക്കും
(സ്ത്രീ) വല്ലതുമായ് ഇതുങ്ങള്‍ക്ക് കഞ്ഞിവെള്ളം കൊടുക്കാതെ
തല്ലിയാലും തകര്‍ത്താലും തരപ്പെടുമോ
(പു) ഉണ്ണാന്‍ കൊടുക്കണം ഉടുക്കാന്‍ കൊടുക്കണം
എമ്മേ ബീയേ ക്ലാസ്സിലൊക്കെ പഠിപ്പിക്കേണം
ഒന്നോ രണ്ടോ കുട്ടിയെങ്കില്‍ എങ്ങിനെയും ശെരിപ്പെടും
പിന്നെയും കിടക്കുന്നല്ലോ പത്തുപന്ത്രണ്ട്

(സ്ത്രീ) പിള്ളേരേയും വാരിയിട്ടു വല്ല കിണറ്റിലും ചെന്നു
നല്ല തങ്ക ചെയ്ത പോലെ ഞാന്‍ എടുക്കുമേ
((സ്ത്രീ) പിള്ളേരേയും)
(പു) കരളു തകരുന്നെടി കരയാതെ കണ്മണി
പരമ രഹസ്യമൊന്നിങ്ങടുത്തു വന്നേ
(സ്ത്രീ) രഹസ്യമോ
(പു) രഹസ്യം
(സ്ത്രീ) പറഞ്ഞാട്ടേ

(പു) കേളെടി രാമച്ചാരേ പെണ്ണുമ്പിള്ള പേറു നിറുത്തി
(സ്ത്രീ) എങ്ങനെ
(പു) അങ്ങനെ
(സ്ത്രീ) ഓ ഹോ
(പു) ഉ ഹൂം

(പു) ആവശ്യമുള്ള മക്കളായിത്തീര്‍ന്നാല്‍
ഇന്നൊരനുഗ്രഹം വാസക്ടമി ഓപ്പറേഷന്‍
ആവശ്യമുള്ള മക്കളായിത്തീര്‍ന്നാല്‍
വാസക്ടമി ഓപ്പറേഷന്‍ വന്നേ വന്നേ രൂപായും കിട്ടും


malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts