Last Modified: February 29 2012 14:45:25.

ഗൗരീ മനോഹരീ
മാരവൈരീമാനസനളിനിയില്‍
രാഗസൗരഭമുതിരും മലരായുണരും
(ഗൗരീ)

കുളിര്‍നിടിലത്തില്‍ കുങ്കുമതിലകം
തളിര്‍വിരലുകളില്‍ താമരമുകുളം
മറ്റൊരു വിണ്‍നദിപോലെ
മാറിലെ മുക്താഹാരം...
സുരുചിരമിളകി സുലളിതപദയായ്
നര്‍ത്തനമാടുക ഭുവനമനോഹരീ
(ഗൗരീ)

മൊഴിയും പൊരുളും ചേര്‍ന്നരുളുംപോല്‍
ഒരു തിരുവുടലായ് ഉമയും ഹരനും
സ നിരി നിധപ മഗരിഗമ പധനിസ
ഉജ്ജ്വലലാസ്യമുണര്‍ന്നു
താരകള്‍ ഹര്‍ഷാലോലം...
തിരുമിഴി ചിമ്മി തൊഴുതുണരുന്നു
നര്‍ത്തനമാടുക നയനമനോഹരി
(ഗൗരീ)