Last Modified: February 29 2012 14:42:43.

സാഗരസംഗീതലഹരീ... മ്..
സാന്ധ്യസൌരഭ്യ ലഹരീ...
നാല്‍പ്പാമരക്കുളിര്‍ ചൂടിയെത്തും
കാറ്റിന്റെ സിരകളില്‍ ലഹരി... ആ..
ജലകേളിയാടും കടല്‍പ്പക്ഷിപാടും
പാട്ടിന്റെ ചുണ്ടിലും ലഹരി

അസ്തമയത്തിന്റെ നേരിയ തന്ത്രിയില്‍
ഉതിരുമതീന്ത്രിയ നാദം
ആനാദ നിസരിയില്‍ അറിയാതെ ഇളകി
പിന്നെയും ഈ ആര്‍ദ്രനയനം
മൌനം മധുരിതമായി
ഇവിടെ മൌനം സംഗീതമായി

സ്വപ്നങ്ങളെന്നും സുരഭിലമാക്കിയ
സൌവര്‍ണ്ണ സൌഗന്ധികങ്ങള്‍
സന്ധ്യതന്‍ നെറുകയില്‍ പാറിവന്നെത്തി
ഇന്നീ സുമംഗലിപ്പൂക്കള്‍
മൌനം മധുരിതമായി
ഇവിടെ മൌനം സംഗീതമായി