Last Modified: February 29 2012 14:37:14.
ഒരു മലയുടെ താഴ്വരയില്‍
ഒരു കാട്ടാറിന്‍ കരയില്‍
താമസിക്കാന്‍ മോഹമെനിക്കൊരു താപസനെപ്പോലെ
ഒരു താപസനെ പ്പോലെ

ആയിരം പൂക്കള്‍തന്‍ സൌരഭ പൂരം
ആയിരം കിളികള്‍ തന്‍ പ്രേമഗാനം
അലതല്ലുമ്പോല്‍ ആ വനഭൂവില്‍
അലയാനെനിക്കൊരു മോഹം
(ഒരു മലയുടെ താഴ്വരയില്‍..)

കാലമാകും കലമാനുറങ്ങും
കേളീമലര്‍വനമാണവിടം
ദു:ഖിതരാകും നരരറിയാത്തൊരു
സ്വര്‍ഗീയശാന്തി നിലയം
(ഒരു മലയുടെ താഴ്വരയില്‍..)

മരവുരി ചുറ്റിയ കാടുകള്‍ ചൊല്ലും
മര്‍മരമന്ത്രം കേള്‍ക്കാന്‍
പുലരിക്കാറ്റോടൊപ്പം പോയി
പൂജാമലരുകള്‍ നുള്ളാം
(ഒരു മലയുടെ താഴ്വരയില്‍..)