Last Modified: February 29 2012 14:26:54.
ഭൂതഗണനാഥനയ്യപ്പൻ - സ്വാമി
ഭൂമിമലയാളം കാക്കുന്നോൻ
വേദാന്തക്കാതലയ്യപ്പൻ, യുഗ-
വേദനകൾ തീർ‌ത്തു തരുന്നോൻ
(ഭൂത...)

പഞ്ചാദ്രിനായകൻ പരമകലാകോവിദൻ
പുഞ്ചിരിയെ പുലരിയാക്കുന്നോൻ
നഖമഞ്ജിമയെ ചന്ദ്രനാക്കുന്നോൻ
ബ്രഹ്മസ്ഥിര നിർമ്മത്സര
സിംഹധ്വജ മായാമയ
ധർമ്മപ്രദ നിൻ തിരുവടി ശരണം
രക്താധര ശരണം രത്നദ്വിജ ശരണം
സത്യപ്രിയ നിത്യസ്മിത ശരണം ശരണം
(ഭൂത...)

പാണ്ഡ്യശ്രീലാളിതൻ പഞ്ചേന്ദ്രിയപാലകൻ
പ്രാണനെ മണിവീണയാക്കുന്നോൻ
യുഗഞാണൊലിയെ പ്രണവമാക്കുന്നോൻ
അഗ്രസ്ഥിത ശേഷാസന
ഭക്താഭയ മുദ്രാധര
ഭുക്തിപ്രദ നിൻ തിരുവടി ശരണം
സിദ്ധേശ്വര ശരണം ബുദ്ധിപ്രദ ശരണം
വിദ്യാനിധി വിനയാംബുധി ശരണം ശരണം
(ഭൂത...)