വിശദവിവരങ്ങള് | |
വര്ഷം | 2021 |
സംഗീതം | എസ് ആർ സൂരജ് |
ഗാനരചന | കവിപ്രസാദ് ഗോപിനാഥ് |
ഗായകര് | ജി എസ് അരുൺ ,സിതാര കൃഷ്ണകുമാർ |
രാഗം | ഹംസധ്വനി |
ഗാനത്തിന്റെ വരികള് | |
Last Modified: September 04 2021 16:35:15.
അങ്ങുകിഴക്കേ മാമല മേട്ടിൽ ചിങ്ങവെയിൽ തല നീട്ടുമ്പോൾ ചങ്ങാലിക്കിളി ചങ്ങാലിക്കിളി എങ്ങോട്ടാണു പറക്കുന്നു? ഓണം വന്നതു നാടറിയിക്കാ- നാണോ കൂടെ തുമ്പികളും? ആരോ നീട്ടിയ പൂവിളി പോലെ ദൂരേ പാടീ പൂങ്കുയിലും (അങ്ങുകിഴക്കേ ..) ഓണം വന്നേ പൊന്നോണം വന്നേ മാവേലി മന്നനും കൂടെ വന്നേ ഓണം വന്നേ നല്ലോണം വന്നേ മലയാളക്കരയാകെ ഓണം വന്നേ മത്ത വല്ലി പടർന്നു - പൂത്തൂ അത്തമിങ്ങെത്തിയല്ലോ മുറ്റത്തെ മുക്കുറ്റിയും - കൂട്ടായ് ചുറ്റിനും ചെമ്പരത്തീം കുഞ്ഞു കോളാമ്പിയും കൊങ്ങിണിപ്പൂക്കളും മഞ്ഞാട ചൂടി നിന്നു നിത്യകല്യാണിമേലൊത്തിരിപ്പൂവിരി- ഞ്ഞെല്ലാ തൊടികളിലും - തെച്ചിയും തുമ്പയും പൂവണിഞ്ഞു എല്ലാ തൊടികളിലും - തെച്ചിയും തുമ്പയും പൂവണിഞ്ഞു. (അങ്ങുകിഴക്കേ ..) (ഓണം വന്നേ .....................) പൂവിറുത്തീടുവാനായ് കുരുന്നുക- ളോടിയണഞ്ഞിടുമ്പോൾ എത്തണം കുഞ്ഞു കൈകൾ - അതിനൊരു പിച്ചകം താഴ്ന്നു നിന്നു മണ്ണിൻ മണം പൂണ്ടു പൊൻനാളികേരങ്ങൾ നന്നായൊരുങ്ങി നിന്നു നല്ല കൊയ്ത്തുത്സവത്തിന്റെ മേളങ്ങളിൽ എല്ലാ കളപ്പുരയും - നെന്മണി - ക്കറ്റകളാൽ നിറഞ്ഞു എല്ലാ കളപ്പുരയും - നെന്മണി - ക്കറ്റകളാൽ നിറഞ്ഞു | |