Last Modified: May 08 2013 04:23:54.
ഏകാന്ത രാവിൽ കുളിർ തെന്നൽ പോലെ
രാഗർദ്രമായ് നീ ശ്രുതി മീട്ടി നിന്നു
സ്വപ്നമാരാളങ്ങൾ പോലെ
കുഞ്ഞോളമായി നീ രോമാഞ്ചമായ്

അകലെയാണെങ്കിലും നിൻ ആത്മാവിൻ നിസ്വനം
സാന്ത്വനമേകുന്നെൻ ശ്വേതാണുക്കളിൽ
ശീതളകിരണങ്ങൾ ചൊരിയുന്ന പനിമതി
പറയാതെ പറയുന്ന ശോകങ്ങളേറെ

ത്രേതായുഗത്തിലെ അഹല്യയെ പോലെ
കാത്തിരുന്നു ഞാൻ കാതോർത്തിരുന്നു
നിൻ പാദസ്പർശം ഏല്ക്കുവനായി
നീ നല്കും എൻ ശാപ മോക്ഷത്തിനായി