Last Modified: June 27 2012 04:54:51.

അബ്രഹാമിൻ ദൈവം എന്നഭയം
ഇസഹാക്കിൻ ദൈവം സങ്കേതം (2)
സ്തുതികളിൻന്മേൽ വാഴുന്നോനേ
അത്ഭുതങ്ങൾ ചെയ്യുന്നോനേ
ആരാദ്ധ്യ നാമമേ അലിവിൻ ഉറവിടമേ
(അബ്രഹാമിൻ ദൈവം….)

പന്മോസ് ദ്വീപിൽ തള്ളപ്പെട്ടാലും
അഗ്നി തന്നിൽ അകപ്പെട്ടാലും
രക്ഷകനായ് ചാരെയെത്തും
തൃക്കരത്താൽ ചേർത്തണയ്ക്കും
സ്വർല്ലോക നാഥനേ ജീവന്റെ മാർഗ്ഗമേ
(അബ്രഹാമിൻ ദൈവം….)

ഭാരം പാരിൽ ഏറിയെന്നാലും
ശാന്തിയില്ലാതലഞ്ഞെന്നാലും
ആനന്ദത്തിൻ ദൂതുമേകി സാന്ത്വനമായ് കൂടെ നിൽക്കും
കാരുണ്യവാരിധേ ആത്മാവിൻ കീർത്തനമേ
(അബ്രഹാമിൻ ദൈവം….)