Last Modified: February 25 2013 04:53:32.
മായും നിലാവിനോടും മേയുന്ന മാനിനോടും
ചോദിച്ചു വന്ന കാറ്റേ കണ്ടുവോ ഓമലാളേ അറിയില്ലയോ
എങ്ങു പോയ് പൊന്നേ നീയും ഈ ജന്മം നിന്നോടൊത്ത്
കഴിയുവാൻ കൂടും കൂട്ടി ഇന്നു ഞാൻ നിന്നെത്തേടി
വെണ്ണിലാപ്പൂവേ ഓമലേ
(മായും നിലാവിനോടും…)

ഒരു വാക്കു ചൊല്ലുവാനായ് ഓമലേ എൻ മോഹമാണേ
മറുവാക്കു കേൾക്കുവാനും മാനസത്തിൽ തേങ്ങലാണേ
അലകടൽ അലയണ ഖൽബിന്റെ കണ്ണീർത്തിരയിൽ സഖിയാണേ
പറയാതെ പോയതെന്തേ എങ്ങാണു ഇന്നു നീയേ
വിതുമ്പുന്നു ഞാൻ ഓമലേ..
(മായും നിലാവിനോടും…)

ഓതുവാൻ പോയ കാലം ഓടി വന്നീ ഖൽബിലാകെ
മാമ്പഴക്കൊമ്പിലന്നൂഞ്ഞാലു കെട്ടി ആടിയില്ലേ
കളിവഞ്ചി നാമന്നു തുഴഞ്ഞില്ലേ കുടമുല്ലപ്പൂ ഞാൻ തന്നില്ലെ
അറിയാതെ ഓർത്തു പോയി കാണാൻ കൊതിച്ചു പോയ്
വരികില്ലേ നീ ഓമലേ..
(മായും നിലാവിനോടും…)