ഇന്ദ്രനീലത്തിനോടെന്തു കൊണ്ടോ
ആകാശവാണി ലളിതഗാനങ്ങള്‍
Indraneelathinodenthu Kondo (AIR Lalithagaanangal )
വിശദവിവരങ്ങള്‍
വര്‍ഷം NA
സംഗീതംഎം ജി രാധാകൃഷ്ണന്‍
ഗാനരചനഎസ്‌ രമേശന്‍ നായര്‍
ഗായകര്‍പി വി പ്രീത
രാഗംധര്‍മവതി
ഗാനത്തിന്റെ വരികള്‍
Last Modified: February 29 2012 14:34:39.

ഇന്ദ്രനീലത്തിനോടെന്തുകൊണ്ടോ
പണ്ടു തൊട്ടേ എനിക്കിഷ്ടം..(ഇന്ദ്രനീല)
കണ്ണന്റെ മുകിൽവർണ്ണമാകയാലോ നിന്റെ
കണ്ണിന്റെ മണിവർണ്ണമാകയാലോ... (കണ്ണന്റെ.. )
(ഇന്ദ്രനീലത്തിനോടെന്തുകൊണ്ടോ... )

വർഷമയൂരങ്ങൾ പീലി നീർത്താടുന്ന വർണ്ണം
ഹർഷം തുളുമ്പും മനസ്സിലെ സ്വപ്നത്തിൻ വർണ്ണം.. (വർഷമയൂരങ്ങൾ.. )
ആഴി തൻ വർണ്ണം ആകാശവർണ്ണം
ആത്മാവു പൂക്കും കടമ്പിന്റെ വർണ്ണം... (ആഴി തൻ.. )
(ഇന്ദ്രനീലത്തിനോടെന്തുകൊണ്ടോ... )

ദൂരതമാലവനങ്ങൾ തൻ സാന്ദ്രമാം വർണ്ണം
ചാരുഗോരോചനക്കുറി തൊട്ട ചന്തത്തിൻ വർണ്ണം.. (ദൂരതമാലവനങ്ങൾ .. )
കാളിന്ദീവർണ്ണം കായാമ്പൂവർണ്ണം
ഗോപികാപുണ്യം പുണരുന്ന വർണ്ണം... (കാളിന്ദീവർണ്ണം.. )
(ഇന്ദ്രനീലത്തിനോടെന്തുകൊണ്ടോ... )




malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts