| വിശദവിവരങ്ങള്‍ | |
| വര്‍ഷം | NA |
| സംഗീതം | എം ജി രാധാകൃഷ്ണന്‍ |
| ഗാനരചന | ലഭ്യമല്ല |
| ഗായകര്‍ | ലഭ്യമല്ല |
| രാഗം | ലഭ്യമല്ല |
| ഗാനത്തിന്റെ വരികള്‍ | |
|
Last Modified: February 29 2012 14:34:04.
ഇരുംകുളങ്ങര അമ്മേ ദുര്‍ഗ്ഗേ ഭഗവതീ.. സുപ്രഭാതം സുപ്രഭാതം സുപ്രഭാതം.. സുപ്രഭാതം.. തവ സുപ്രഭാതം... ദുര്‍ഗ്ഗേ ഭഗവതി ശക്തി സ്വരൂപിണി ദുര്‍ഗ്ഗതി നാശിനി ദേവീ ഉള്‍ക്കുരുന്നിങ്കല്‍ തെളിഞ്ഞരുളേണമേ ദുഃഖമെഴാത്തൊരു ഭാവി... (ഇരുംകുളങ്ങര... ) എതഭീഷ്ടങ്ങളും ആശ്രയിച്ചീടുകില്‍ എത്രയും വേഗത്തിലേകും ഈരേഴുലകിലും ഇക്കഴിവുള്ളൊരു തായേ ജഗദംബികേ... (ഇരുംകുളങ്ങര... ) അമ്മ തന്‍ ഓര്‍മ്മ വിടര്‍ത്തീടും ജീവിതമിമ്മിതിനിയില്‍ കൃതാര്‍ത്ഥം അല്ലാത്തതെന്തു സമ്പാദിച്ചിരിക്കിലും വല്ലാതെ ശൂന്യം അനര്‍ത്ഥം... (ഇരുംകുളങ്ങര... ) ഉള്‍ക്കുളിരേകും മധുരസ്മിതാഭയും ഒക്കുമലങ്കാരവായ്പും കാഞ്ചനസിംഹാസനത്തിലിരുന്നു കൊണ്ടിന്ദ്രാദിവന്ദിതയായും... (ഇരുംകുളങ്ങര... ) മിന്നും മരതകകാന്തിയാം ഈശ്വരി നിന്നുടലെന്നും മനസ്സില്‍ ഉള്ളവനെന്തൊരു നിര്‍വൃതി ആണത് സ്വര്‍ലോകം എന്തിന് വേറെ... (ഇരുംകുളങ്ങര... ) ശത്രുവിജയവും ദുഷ്കൃത നാശവും നിത്യമാം സൌഖ്യവും എന്തും ആശ്രിതന്മാര്‍ക്കരുളീടുവാന്‍ ഏതേതു വേഷവും അംബിക ഏന്തും... (ഇരുംകുളങ്ങര... ) ദുര്‍ഗ്ഗങ്ങളാകെ കടത്തി വിടുന്നത് ദുര്‍ഗ്ഗേ ഭാവതീയ ദാസ്യം ദുര്ഗ്ഗമതൈത്യ നിശൂദിനി നിന്‍ കഴല്‍ ആര്‍ക്കുമൊരുപോലുപാസ്യം... (ഇരുംകുളങ്ങര... ) നിന്റെ നാമാക്ഷര മന്ത്രം ജപിപ്പവര്‍ക്കുണ്ടോ ഭാവാഭയ സംഗം മംഗളഭാവന നിന്നിലണര്‍പ്പവര്‍ക്കെങ്ങും മഹോത്സവ രംഗം... (ഇരുംകുളങ്ങര... ) അമ്മയോടൊന്നറിയിക്കട്ടെ സാദരം ഇമ്മണ്ണിലേതിനെക്കാളും മേലെയാം നിന്നുടെ വാത്സല്യം ഞങ്ങള്‍ തന്‍ മേലെയും തൂകുകെന്നാളും... (ഇരുംകുളങ്ങര... ) ദുര്‍ഗ്ഗേ ഭഗവതി നീ ജയിച്ചീടുക സര്‍ഗ്ഗപ്രഭാവം ഉയര്‍ത്തി ഇരുംകുളങ്ങരെ വാഴുന്ന ഞങ്ങള്‍ക്കിന്നെല്ലാം ഒരാശ്രയമായി... (ഇരുംകുളങ്ങര... ) കാവിലമരും അമ്മേ ജഗദംബികേ നാരായണീ ഇരുംകുളങ്ങര അമ്മേ ജഗദംബികേ നാരായണീ... കാവിലമരും അമ്മേ ജഗദംബികേ നാരായണീ ഇരുംകുളങ്ങര അമ്മേ ജഗദംബികേ നാരായണീ... | |