Last Modified: February 29 2012 14:33:23.

അസ്ത്യുതരസ്യാം ദിശി ദേവതാത്മാ
ഹിമാലയോ നാമ നഗാധിരാ ജഃ
പൂർവ്വാപരൗ വാരിനീധീ വിഗാഹ്രു
സ്ഥിതഃ പൃഥ്വിവ്യാ ഇവ മാനദണ്ഡ

യം സർവശൈലാഃ പരികല്പ്യ വത്സം
മേരൗ സ്ഥിതേ ദോഗ്ധരി ദോഹദക്ഷേ
ഭാസ്വന്തി രത്നാനി മഹൗഷധീശ്ച
പൃഥുപദിഷ്ടാം ദുദുഹൂർ ധരിത്രിം

അനന്ത രത്ന പ്രഭവസ്യ യസ്യ
ഹിമം ന സൗഭഗ്യ വിലോപി ജാതം
ഏകോ ഹി ദോഷോ ഗുണസന്നിപാതേ
നിമജ്ജതീന്ദോഃ കിരനേഷ്വിവാങ്കഃ

യശ്ചാപ്സരോവിഭ്രമ മണ്ഡനാനാം
സമ്പാദയിത്രിം ശിഖരൈർബ്ബിഭർത്തി
വലാഹകച്ചേദ വിഭക്തരാഗാ
മകാല സന്ധ്യാമിവ ധാതുമത്താം

പദം തുഷാരശ്രുതിധൗതരക്തം
യസ്മിന്നദൃഷ്ടാപി ഹതദ്വിപാനാം
വിദന്തി മാർഗ്ഗം നഖരന്ദ്ര മുക്തൈർ
മുക്താഫലൈ കേസരിണാം കിരാതാഃ

ആമേഖലം സഞ്ചരതാം ഘനാനാം
ച്ഛായാമധഃ സാനുഗതാ നിഷേവ്യ
ഉദ്വേജിതാ വൃഷ്ടിഭിരാശ്രയന്തേ
ശൃംഗാണീ യസ്യാതപവന്തി സിദ്ധാ ഃ

ന്യസ്താക്ഷരാ ധാതുരസേന യത്ര
ഭുർജ്ജത്വചഃ കുഞ്ജര ബിന്ദു ശോണാഃ
വ്രജന്തി വിദ്യാധര സുന്ദരീണാ
മനംഗ ലേഖക്രിയയോപയോഗം

യ പുരയൻ കീചകരന്ദ്രഭാഗാൻ
ദരീമുഖോത്ഥേന സമീരണേന
ഉൽഗാസ്യതാമിച്ഛതി കിന്നരാണാം
താതപ്രദായിത്വമിവോപഗന്തും

കപോലകൻഡൂഃ കരിഭിർവ്വിനേതും
വിഘട്ടിതാനാം സരളദ്രുമാണാം
യത്ര സ്രുത ക്ഷീരതയാ പ്രസൂതഃ
സാനൂനി ഗന്ധഃ സുരഭീകരോതി

വനേചരാനാം വനിതാ സഖാനാം
ദരീഗൃഹോത്സം ഗനിഷക്ത ഭാസഃ
ഭവന്തി യത്രൗഷധോയോ രജന്യാ
മതൈല പുരാഃ സുരത പ്രദീപാഃ

ഉദ്ദ്വേജയതൃംഗുലിപാർഷ്ണിഭാഗാൻ
മാർഗ്ഗേ ശിലീഭൂതഹിമേപി യത്ര
ന ദുർവ്വഹ ശ്രോണിപയോധരാർത്താ
ഭിന്ദന്തി മന്ദാം ഗതിമശ്വമുഖ്യ:

ദിവാകരാദ്രക്ഷതി യോ ഗുഹാസു
ലീനം ദിവാഭീതമിവാന്ധകാരം
ക്ഷുദ്രേപി നൂനം ശരണം പ്രപന്നേ
മമത്വമുച്ചൈഃശിരസ്സാം സതീവ

ലാംഗുല വിക്ഷേപവിസർപ്പിശോഭൈ
രിതസ്തതശ്ചന്ദ്രമരീചിഗൗരൈ
യസ്യാർത്ഥയുക്തം ഗിരിരാജശബ്ദം
കുർവന്തി വാലവ്യജനൈശ്ചമര്യ്യഃ