| വിശദവിവരങ്ങള്‍ | |
| വര്‍ഷം | NA |
| സംഗീതം | മെഹബൂബ്‌ |
| ഗാനരചന | ലഭ്യമല്ല |
| ഗായകര്‍ | മെഹബൂബ്‌ |
| രാഗം | ലഭ്യമല്ല |
| ഗാനത്തിന്റെ വരികള്‍ | |
|
Last Modified: February 29 2012 14:33:08.
പാടത്ത് പാട് പെടുന്ന മാടത്തിന്‍ മക്കളെ നോക്കി മാനത്ത് പാറി നടക്കും മാടത്തേ പാടുക നീ.. നിന്നോമല്‍ ചുണ്ടുകളൂതും പോന്നോടക്കുഴല്‍ വിളിയാലൊരു വൃന്ദാവനമാക്കുക നീയാ ചേറണിയും പാടങ്ങള്‍.. ചേറണിയും പാടങ്ങള്‍... (പാടത്ത്... ) പെണ്‍കൊടികള്‍ ഞാറ് നടുമ്പോള്‍ പാടുന്ന പാട്ടുയരുമ്പോള്‍ നിന്‍ മുരളീഗാനമതിന്നൊരു പിന്‍പാട്ടായ് തീരുമ്പോള്‍.. (പെണ്‍കൊടികള്‍.. ) ചൂടേറും വെയിലറിയാതാ പാവങ്ങള്‍ കരളില്‍ പുളകം ചൂടൊക്കെ നിത്യവും അവരുടെ വേലയ്ക്കൊരു ചൊടി പോലെ... വേലയ്ക്കൊരു ചൊടി പോലെ... (പാടത്ത്... ) ഇന്നത്തെ ഞാറുകളെല്ലാം നാളെ പൊന്‍കതിരണിയുമ്പോള്‍ പുന്നെല്ല് കൊറിക്കാമല്ലോ പുന്നാര പൈങ്കിളിയേ.. (ഇന്നത്തെ.. ) നിന്‍ പാട്ടിന്നൊത്തു കുണുങ്ങി പൂന്തെന്നലില്‍ വയലുകള്‍ കൊഞ്ചി ചാഞ്ചാടുമ്പോഴുതൊരു പുഞ്ചിരി തൂകട്ടെ നാടാകെ... തൂകട്ടെ നാടാകെ... (പാടത്ത്... ) എന്നാലും പാടത്തങ്ങനെ എന്നാളും പാട് പെടുന്നോര്‍- ക്കിന്നോളം പട്ടിണിയല്ലേ പുന്നാര പൈങ്കിളിയേ.. (എന്നാലും.. ) നീറുന്ന ജീവിതമങ്ങനെ പേറുന്ന പാവങ്ങള്‍ക്കൊരു ചേലേറും ജീവിതമണയും നാളേയ്ക്കായ് പാടുക നീ... നാളേയ്ക്കായ് പാടുക നീ... (പാടത്ത്... ) | |