Last Modified: August 02 2021 17:13:30.
ഇരുളു മുടിയൊരിടവഴികളിൽ
ഇടറി വീഴും ഞങ്ങളെ
വഴിയൊരുക്കി, വഴി നടത്തും
ഇടയനല്ലോ നീ, ഇടയനല്ലോ നീ

അഴലു കണ്ടാൽ അവിടെയെത്തും കരുണയുള്ളോനേ (2)
തൊഴുതു നിൽപ്പൂ നിന്റെ മുൻപിൽ മെഴുതിരികളും ഞങ്ങളും (2)
മെഴുതിരികളും ഞങ്ങളും

അലകടലിൽ ചുവട് വച്ചു നടന്നു പോയോനേ (2)
കുരിശു പേറി കുരിശു പേറി കടന്നു പോയവനേ (2)
തൊഴുതു നിൽപ്പൂ വഴിയരികിൽ മലരുകളും മനുഷ്യരും (2)
തിരിച്ചു വരൂ തിരിച്ചു വരൂ തിരുഹൃദയമേ വേഗം (2)
തിരുഹൃദയമേ വേഗം