Last Modified: February 29 2012 14:27:06.
മഹിഷിയെ സംസാരപിഞ്ഛികകൊണ്ടൊരു
ദേവകന്യകയാക്കി - ദേവിയെ
മാളികപ്പുറമേറ്റി വാമഭാഗം നൽകി
ലോകമാതാവെന്നു വാഴ്‌ത്തി - അയ്യൻ
ബ്രഹ്മചര്യാശ്രമിയായി!
(മഹിഷിയെ)

ശ്രീരാമചന്ദ്രനു കായ്കനി നേദിച്ചു
ശബരിയാം സഹ്യാദ്രിപുത്രി
നേദിച്ചതുച്ഛിഷ്ടമായെന്ന പാപമോ
ശബരിയെ യുഗങ്ങൾ‌തൻ തടവിലാക്കി
കലിയുഗരാജകുമാരൻ ശബരിയെ
മരതകസൗന്ദര്യമാക്കി!
(മഹിഷിയെ)

സത്യപ്പുലിപ്പാലു ചോദിച്ചവർക്കെല്ലാം
അഷ്ടൈശ്വര്യങ്ങൾ നൽകി
മായാതമസ്സുകൊണ്ടന്ധയാം റാണിയെ
വിശ്വരൂപത്താലനുഗ്രഹിച്ചു
ആസുരകർമ്മവിനോദിയാം വാവർക്ക്
അദ്വൈതകാരുണ്യമേകി!
(മഹിഷിയെ)