Last Modified: January 11 2013 04:14:03.



സാഗരങ്ങളെ പാടി ഉണർത്തിയ സാമഗീതമേ
സാമസംഗീതമേ - ഹൃദയ 
സാഗരങ്ങളെ പാടിപ്പാടിയുണർത്തിയ സാമഗീതമേ
സാമസംഗീതമേ... സാഗരങ്ങളെ...
പോരൂ നീയെൻ ലോലമാമീ ഏകതാരയിൽ
ഒന്നിളവേൽക്കൂ ഒന്നിളവേൽക്കൂ
ആ‍ ആ ആ ആ
സാഗരങ്ങളെ പാടി ഉണർത്തിയ സാമഗീതമേ
സാമസംഗീതമേ ഹൃദയസാഗരങ്ങളെ

പിൻ‌നിലാവിന്റെ പിച്ചകപ്പൂക്കൾ
ചിന്നിയ ശയ്യാതലത്തിൽ
(പിൻ‌നിലാവിന്റെ...)
കാതരയാം ചന്ദ്രലേഖയും
ഒരു ശോണരേഖയായ് മായുമ്പോൾ
വീണ്ടും തഴുകി തഴുകി ഉണർത്തും
സ്നേഹസാന്ദ്രമാം ഏതു കരങ്ങൾ
ആ ആ ആ ആ
സാഗരങ്ങളെ പാടി ഉണർത്തിയ സാമഗീതമേ
സാമസംഗീതമേ ഹൃദയസാഗരങ്ങളെ

കന്നിമണ്ണിന്റെ ഗന്ധമുയർന്നു
തെന്നൽ മദിച്ചു പാടുന്നു
(കന്നിമണ്ണിന്റെ...)
ഈ നദിതൻ മാറിലാരുടെ
കൈവിരൽ‌പ്പാടുകൾ ഉണരുന്നു
പോരൂ തഴുകി തഴുകി ഉണർത്തൂ
മേഘരാഗമെൻ ഏകതാരയിൽ
ആ ആ ആ ആ

സാഗരങ്ങളെ പാടി ഉണർത്തിയ സാമഗീതമേ
സാമസംഗീതമേ - ഹൃദയ
സാഗരങ്ങളെ പാടിപ്പാടിണർത്തിയ സാമഗീതമേ
സാമസംഗീതമേ... സാഗരങ്ങളെ...