Last Modified: February 29 2012 15:04:21.

സ്വര്‍ഗ്ഗങ്ങള്‍ സ്വപ്നം കാണും മണ്ണിന്‍ മടിയില്‍
വിടരുന്നേതോ ഋതുഭാവങ്ങള്‍
നിറമേഴിന്‍‍ തുമ്പത്ത് സ്വരമേളത്തിറയാട്ടം
മാരിക്കാര്‍മുഖം മാറില്‍ ചാര്‍ത്തീടും മാനം പൂമാനം
(സ്വര്‍ഗ്ഗങ്ങള്‍)

ദൂരം ദൂതിനുപോയി
കാനനമൈനേ കൂട്ടിനു നീയോ
ഓണവില്ലിന്നു‍ മീട്ടാന്‍ മീനത്തുമ്പീ നീ വാ
പീലിക്കാവടിയാടി പൂഞ്ചോലക്കുളിരായ് നീ വാ
(സ്വര്‍ഗ്ഗങ്ങള്‍)

വീണാമോഹനരാഗം
ജീവിതനാദം നീയെന്‍ താളം
കാണും കണ്ണിനൊരോളം തേനായ് തീരുമൊരീണം
നിന്‍ പ്രിയമാനസമിന്നനുരാഗത്തിന്‍ പൂ‍ന്തളിരായ്
(സ്വര്‍ഗ്ഗങ്ങള്‍)