Last Modified: February 29 2012 15:04:20.

ചാരു മന്ദസ്മിതം ചൊരിയും ശാരദേന്ദു മലരേ
അഴകിൻ തേൻകുടമായ് അണയൂ സൗന്ദര്യമേ
(ചാരുമന്ദസ്മിതം..)

ഇനി വരും നിശയുടെ നീലാകാശത്തിൽ
നിറമഴിഞ്ഞലകളിൽ വീഴും പകലൊളിയിൽ
വന്ധ്യമേഘങ്ങളിൽ വർഷസംഗീതമായ്
വന്യമോഹങ്ങളിൽ ഹർഷസായൂജ്യമായ്
വന്നുയിരൂതി എന്നെയുണർത്തൂ നീ..
(ചാരുമന്ദസ്മിതം..)

തളിരിതൾ മിഴിയിലെ സ്നേഹാർദ്രതപോലെ
പനിമലർ ഇതളിലെ നീഹാരംപോലെ
മൗനതീരങ്ങളിൽ മന്ത്രസംഗീതമായ്
വർണ്ണസ്വപ്നങ്ങളായ് വനകല്ലോലമായ്
വന്നുടലാകെ വാരിപ്പുണരൂ നീ
(ചാരുമന്ദസ്മിതം..)