Last Modified: February 29 2012 14:58:51.
മന്മഥമന്ദിരത്തിൽ പൂജാ ഇന്നു മധുരരാഗപൂജാ
കണ്മുനത്തെല്ലുകൾ കൈത്തിരി കൊളുത്തുന്ന
കാമുക സങ്കൽപ പൂജാ (മന്മഥ..)

സ്വപ്നത്തിൽ കോവിൽ നട തുറന്നൂ
സ്വർഗ്ഗീയ ചന്ദ്രികാദ്യുതി പരന്നു
മഴവിൽ വനമാല കോർത്തു ചാർത്തിയ
മധുമാസം പൂക്കൂട നിറച്ചു വന്നു (മന്മഥ...)


ഈ രാഗഗാനത്തിൻ ഈരടിയിൽ
ആരാധനയുടെ മണി മുഴങ്ങീ
ഹൃദയം തീർക്കുമീ പുണ്യപീഠത്തിൽ
ജീവേശ്വരീ നിന്നെ കുടിയിരുത്തീ (മന്മഥ...)

ദാഹിക്കും മനസ്സിലെ കൽപനകൾ
രാഗസങ്കീർത്തന വരികൾ പാടി
കനകതാരകൾ കൈകൾ കൂപ്പുമീ
കൈവല്യ നിലയത്തിൽ ദേവി നീയേ (മന്മഥ...)