Last Modified: June 18 2013 08:47:22.


നാളീകലോചനേ നിൻ മിഴികൾക്കിന്നു
നീലിമയെങ്ങിനെ കൂടി (നാളീക--2)
നാണത്തിൽ തുടുക്കും മുഖശ്രീ മലരിനു
നാലിതളെങ്ങിനെ കൂടി - ഇന്നു
നാലിതളെങ്ങിനെ കൂടി
(നാളീക--2)

കൗമാരം കഴിയുമ്പോൾ കിളിർത്തു കിളിർത്തു വരും
രോമാഞ്ച കഞ്ചുകത്താലോ
ശ്രീമംഗലേ നിന്റെ താരുണ്യവനത്തില്‍ (2)
കാമുകൻ കടന്നതിനാലോ -- ഞാനാം
കാമുകൻ കടന്നതിനാലോ
ഈ മൗനം സമ്മതമല്ലയോ
ഈ മന്ദഹാസം മറുപടിയല്ലയോ

എകാന്ത നിശകളിൽ വിതിർന്നു വിതിർന്നു വരും
മൂകവികാരങ്ങളാലോ
ചുറ്റോടുചുറ്റുമൊരാലിംഗനത്തിൻ (2)
ചൂടിൽ കിടന്നതിനാലോ -- പൂക്കൾ
മൂടി കിടന്നതിനാലോ
ഈ മൗനം സമ്മതമല്ലയോ
ഈ മന്ദഹാസം മറുപടിയല്ലയോ
(നാളീക--2)