Last Modified: April 30 2012 01:37:18.




വിണ്ണിലിരുന്നുറങ്ങുന്ന ദൈവമോ
മണ്ണിതിൽ ഇഴയുന്ന മനുഷ്യനോ
അന്ധനാര്‌ ഇപ്പോൾ അന്ധനാര്‌
അന്ധകാരപ്പരപ്പിതിൽ അന്ധനാര്‌

ലക്ഷ്യമേതുമറിയാത്ത ജീവിതത്തിൻ പാതയിൽ
തപ്പിത്തടയുന്നു നിഴലുകൾ
കത്തിജ്വലിക്കുന്നു കതിരവൻ എങ്കിലും
നട്ടുച്ചയും ഇന്നിവർക്കു പാതിരാ ഈ
നട്ടുച്ചയും ഇന്നിവർക്കു പാതിരാ (വിണ്ണിലിരുന്നുറങ്ങുന്ന)

മായാ മരീചികയിൽ മനസ്സിലെ ആശകളാൽ
മാളിക കെട്ടുന്നു മാനവൻ
കാലത്തിൻ കൈയ്യിലുള്ള പീലിയൊന്നുഴിയുമ്പോൾ
കാണുന്നു മുന്നിൽ വെറും ശൂന്യതാ
കാണുന്നു മുന്നിൽ വെറും ശൂന്യതാ (വിണ്ണിലിരുന്നുറങ്ങുന്ന)