Last Modified: February 29 2012 14:58:28.

ദേവാധിരാജാ വെല്‍ക
ജീവാധിരാജാ വെല്‍ക
ഭൂവാകെപ്പണിയുന്നപുണ്യമൂര്‍ത്തേ
മന്ദാരപ്പുതുമലര്‍ ചൂടി
മംഗല്യകവിതകള്‍ പാടി
നിന്നോമല്‍ മലരടി തേടി നൃത്തമാടി

സുരനായക സുന്ദര വരൂ വരൂ
പരമാനിനി മനോവിഹാരാ
സഖലീലാവിലാസമാടാന്‍

ആനന്ദനകല്പകവൃക്ഷം
ആരോമല്‍ധേനുസമക്ഷം
ഹരനുടെ മുടിയണിയും ഗംഗയുമങ്ങേയ്ക്കില്ലേ നാഥാ

അണിമേഘമാലമേലേ
അഴകിന്‍ നിലാവു പോലെ
വരവായു് തവദാസി ഞാനുമരികെ

അഴിവില്ലാ താരുണ്യം നീ
അതിരില്ലാക്കാരുണ്യം നീ
അഴകെല്ലാമാരാധിക്കും
മഴവില്ലന്‍ നീ

മതിമോഹനമാര്‍ന്ന കാലം
മദനോത്സവാനുകൂലം
വരൂ നീ കളിയാടിയാടി നുകരാന്‍

അലരമ്പനുമന്‍പോടുസന്‍പദ -
മരുളും പദയുഗമിതുകുമ്പിടു
മതിസുന്ദരാ സുമധുരസുമതേ
അമരാധിപ ജയ ജയ ജയതേ