Last Modified: February 29 2012 14:26:57.

താമരത്തളിരണിക്കൈവിരൽത്തുമ്പിനാൽ
തംബുരുക്കമ്പിയെ തൊട്ടുണർത്തി
ചെവിയോർത്തു ശ്രുതിചേർത്ത്
നാണിച്ചു നാണിച്ചൊരു
ജയദേവഗീതം നീ പാടി
(താമര)

സുമിതമാം ഗോകുല സാലവനത്തിലെ
വിജനനികുഞ്ജത്തിൽ‌നിന്നും
വിരഹിണി രാധിക കണ്ണനെ കേൾപ്പിച്ച
പരിദേവനഗാഥ പാടി
(താമര)

പ്രിയസഖീ ഞാൻ നിന്റെ ഗാനകല്ലോലിനീ-
മധുരപ്രവാഹത്തിലൂടെ
കരകൾ കാണാത്ത കൈവല്യം തേടുന്ന
കളഹംസമായ് മുന്നിലൊഴുകീ
(താമര)