Last Modified: February 29 2012 14:28:37.
 
കായാമ്പൂമുഖം ശ്യാമമോഹനം
കണ്ണാ നീ കനിവിന്റെ സാഗരം
ശ്രീ ഗോപീമാനസ രമണാ നിൻ
തിരുമിഴി ഉലകിനു സൂര്യനാളം
തരൂ ഹരിമുരളീരവ സംഗീതം
(കായാമ്പൂമുഖം.....)

ഗുരുവായൂരുലകിന്റെ വൃന്ദാവനം
ഹരിനാമ മലർപൂക്കും മോക്ഷതീരം (2)
ശ്രീ കുറൂരമ്മ തൻ താരാട്ടു പാട്ടിന്റെ
പാലാഴി തഴുകുന്ന ദേവാങ്കണം
എന്റെ മുജ്ജന്മ വരപുണ്യം ഈ ദർശനം
(കായാമ്പൂമുഖം.....)

ആരോമലേ നീയെൻ സ്നേഹാങ്കുരം
അകതാരിൽ ഇനിയെന്നും കൃഷ്ണനാട്ടം (2)
പൂന്താനപ്പാന തൻ പൂന്തേൻ നിറയുന്ന
പരബ്രഹ്മ സങ്കേതം നാലമ്പലം
നീല തുളസീദളമായ് എൻ മാനസം
(കായാമ്പൂമുഖം.....)