Last Modified: February 29 2012 14:28:14.
ആടും ഗണപതിയേ! [2]
ദേവശാഖിതൻ ചുവട്ടിലാനന്ദനടനം
ആടും ഗണപതിയേ (ആടും)
വിശ്വമാകുന്ന തുമ്പിതൻ തുമ്പിൽ
വിശ്വമാം മോദകത്തെയമ്മാനമാടും
ഗണപതിയേ ഗണപതിയേ ഗണപതിയേ

ശുഭ്രമാം വദനത്തിൽ കളമംഗള-
സദ്രസ ഭാവങ്ങൾ തെളിഞ്ഞീടുന്നു
പാശാങ്കുശങ്ങളേന്തും തൃക്കൈകളിൽ
വരദാനമുദ്രകൾ വിരിഞ്ഞീടുന്നു
(ആടും)

മാനസപൂജയായ് അമരാദികൾ
സാരസ മലർമാരി ചൊരിഞ്ഞീടുന്നു
തുംബുരു നാരദാദി മുനിസഞ്ജയം
ഇമ്പമോടതു കണ്ടു തൊഴുതീടുന്നു
(ആടും)